រូបមន្តថ្មីមកពីបរទេស វិធីព្យាបាលកន្ទាលត្រអាកតាមបែបធម្មជាតិជាដូចគេបេះចឹង ស៊ែចែកបងប្អូនតាមស្រុកស្រែចំការឲ្យបានដឹងផង
ជំងឺកន្ទាលត្រអាកមូលហេតុកើតពីអាល់លែរហ្ស៊ីអាហារ ឬអាល់លែរហ្ស៊ីវត្ថុអ្វីមួយ ហើយធ្វើអោយកើតកន្ទួលឡើងតាមស្បែក។
រឿងហេតុអីបានជាធ្វើដល់ថ្នាក់នេះ!!! ឧត្តមសេនីយ៍ ប្រើហឹង្សាបាញ់ស្រ្ពាយដាក់ភ្នែកសន្តិសុខរោងចក្រឲ្យរបួសធ្ងន់ធ្ងរ
ភ្នំពេញ៖ ព្រោះតែបុរសមន្ត្រីរាជការម្នាក់ធ្វើអោយសមត្ថកិច្ចនគរបាលរវល់ទាំងយប់អាទ្រាតដោយតាមប្រមាញ់ដេញចាប់ពេញមួយចំហៀងខាងជើងទីក្រុងភ្នំពេញ។ ហេតុការណ៍ដ៏ភ្ញាក់ផ្អើលមួយនេះបានកើតឡើងនៅវេលាម៉ោងប្រហែល១១:០០នាទីយប់ ថ្ងៃទី០៥ ខែតុលា ឆ្នាំ២០១៧ នៅលើដងផ្លូវជាតិលេខ៥ មុខរោងចក្រស្ពរ័តិច ស្ថិតនៅក្រុមទី៩ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។
បើតាមប្រភពពីប្រជាពលរដ្ឋនៅម្តុំកន្លែងកើតហេតុបានឲ្យដឹងថា មុនដំបូងឡើយគាត់ឃើញបុរសម្នាក់អាយុប្រហែលជា៥០ឆ្នាំ បើកបររថយន្ត Lexus 470 ពណ៌ស ពាក់ស្លាកលេខ ភ្នំពេញ 2AF 6181 មកពាំងមុខក្បាលរថយន្តកុងតេន័រមួយដែលកំពុងបើកបរដោយបុរសម្នាក់មានអាយុប្រហែលជា៤០ឆ្នាំ។ បន្ទាប់មកបុរសដែលជាម្ចាស់រថយន្ត Lexus 470 បានចុះពីរថយន្តដើរសម្តៅមករកបុរសដែលបើកបររថយន្តកុងតែន័រទាំងទឹកមុខពោរពេញទៅដោយកំហឹង ចំណែកឯបុរសអ្នកបើកបរក្បាលកុងតែន័រឃើញហើយភ័យ ក៍រត់ចូលក្នុងកន្លែងច្រកទ្វាររោងចក្រស្ពរ័តិច ដែលស្ថិតនៅជិតនោះ។
ក្នុងពេលនោះដែរ បុរសម្នាក់ដែលជាសន្តិសុខយាមរោងចក្រក៍បានចេញមកឃាត់ និងសួរនាំ ប៉ុន្តែត្រូវបានបុរសដែលបើកបររថយន្ត Lexus 470 នោះបានវាយទៅលើដើមទ្រូង ហើយមិនត្រឹមតែប៉ុណ្ណោះថែមទាំងយក Spray មកបាញ់ដាក់ភ្នែក និងមុខរបស់សន្តិសុខម្នាក់នោះទៀត ធ្វើអោយបុរសសន្តិសុខមានការឈឺចាប់ និងពិបាកក្នុងការដកដង្ហើមយ៉ាងខ្លាំង។ ភ្លាមៗនោះក៍ត្រូវបានប្រជាពលរដ្ឋជួយបញ្ជូនទៅមន្ទីពេទ្យដើម្បីសង្គ្រោះបន្ទាន់។
ក្រោយពីបានធ្វើសកម្មភាពទាំងនោះហើយ ក៍មានសមត្ថកិច្ចនគរបាល និងប្រជាពលរដ្ឋជាច្រើនធ្វើការឃាត់រថយន្ត ប៉ុន្តែបុរសដែលជាអ្នកបើកបររថយន្ត Lexus 470នោះ មិនខ្លាចញញើតអ្វីសោះក៍បានរត់ចូលទៅក្នុងឡានហើយនិងនិយាយថាខ្លួនជាឧត្តមសេនិយ៍នៅក្រសួងមហាផ្ទៃទៀតផង។ ភ្លាមៗនោះក៍បានបើករថយន្តរត់គេចចេញពីកន្លែងកើតហេតុ ធ្វើអោយសមត្ថកិច្ចនគរបាលដេញតាមចាប់ប្រផាតប្រភីងពេញមួយចំហៀងខាងជើងទីក្រុងភ្នំពេញប្រហែលកន្លះម៉ោងទើបឃាត់ខ្លួនរួមជាមួយរថយន្ត Lexus 470 នោះបាន។
ជនរងគ្រោះទាំង២នាក់ត្រូវបានគេស្គាល់ថា ទី១ ឈ្មោះ ហែម សារុំ ភេទប្រុស អាយុ៤៧ឆ្នាំ មុខរបសន្តិសុខរោងចក្រ ស្នាក់នៅភូមិមិត្តភាព សង្កាត់ឬស្សីកែវ ខណ្ឌឬស្សីកែវ (របួសហើមថ្គាមខាងស្តាំ និងភ្នែកទាំងសងខាងត្រូវ Spray បាញ់ចូលភ្នែក)។ ជនរងគ្រោះទី២ ឈ្មោះ ហឿង ម៉ាលី ភេទប្រុស អាយុ៤៩ឆ្នាំ មុខរបរសន្តិសុខរោងចក្រ (ត្រូវSpray បាញ់ចូលភ្នែកខាងស្តាំ)។ ចំណែកជនបង្ករឈ្មោះ ទី ចំរើនកុសល ភេទប្រុស អាយុ៤៤ឆ្នាំ មុខរបរមន្ត្រីនគរបាល ឋានៈជា នាយឧត្តមសេនិយ៍ត្រី អនុប្រធាននាយកដ្ឋានកិច្ចការនគរបាលប៉ុស្ត៍រដ្ឋបាល ស្នាក់នៅផ្ទះលេខ២៩ ក្រុម៤ ភូមិបឹងឈូក សង្កាត់គីឡូម៉ែត្រលេខ៦។
បច្ចុប្បន្នបុរសរងគ្រោះដែលជាសន្តិសុខ និងលោកឧត្តមសេនិយ៍ដែលបង្ករហេតុរួមជាមួយរថយន្តត្រូវបានសមត្ថកិច្ចនគរបាលបញ្ជូនខ្លួនទៅកាន់ប៉ុស្តិ៍រដ្ឋបាលនគរបាលគីឡូលេខ៦ ដើម្បីធ្វើការសួរនាំ៕
Post a Comment