មនុស្សភាគច្រើនពិតជាចង់ដឹងខ្លាំណាស់!!! ក្បាល ហ៊ីទ្លែរ ក្រោយចប់សង្គ្រាមលោកលើកទី ២ រយៈពេល ១៤ ឆ្នាំ
ក្រោយសង្គ្រាមលោកលើកទី ២ បានរលត់ទៅដោយភាគីអាល្លឺម៉ង់ជាអ្នកចុះចាញ់ទើបគេជឿជាក់ថា លោក ហ៊ីទ្លែរ បានលាក់ខ្លួននៅក្នុងភូមិអាថ៌កំបាំងមួយត្រង់បរិវេណជួរភ្នំអែលអស់ជាច្រើនឆ្នាំ ។
លោក អ៊ីតសេត ឡូសល៍ ជាសមាជិកផ្នែកប្រម៉ាញ់ណាស៊ី ជនជាតិអ៊ីស្រាអែល បានផ្ដល់សម្ភាសន៍ថា «ខ្ញុំគិតដូចជាដទៃៗនៅក្នុងក្រុមដែរ ព្រោះមុនបែកទីក្រុងប៊េកឡាំង លោក ហ៊ីទ្លែរ បានរៀបចំគម្រោងបំភ័ន្ដភ្នែកថា ធ្វើឃាតខ្លួនឯងក្នុងឆ្នាំ ១៩៤៥ ដោយយកសពអ្នកដទៃមកជំនួស ។ ក្នុងសម័យកាលដែល ហ៊ីទ្លែរ មានអំណាចខ្លាំងក្លា គេបានបញ្ជាឱ្យសម្លាប់ជនជាតិអ៊ីស្រាអែលក្នុងប្រទេសជាច្រើនអស់ជាង ១០ លាននាក់ ដើម្បីរំលាយពូជសាសន៍អ៊ីស្រាអែលឱ្យអស់ពីលើពិភពលោក ព្រោះ ហ៊ីទ្លែរ ស្អប់ជនជាតិអ៊ីស្រាអែលដែលមើលឃើញតែប្រយោជន៍ផ្ទាល់ខ្លួន» ។
លោក អ៊ីតសេក ពោលរៀបរាប់បន្ដទៀតថា «ខ្ញុំបានរកឃើញទ្រឹស្ដីអធិប្បាយដែលទៅរួចខ្ពស់បំផុតមួយថា ហ៊ីទ្លែរ និងជំនិតរបស់គេបាននាំគ្នាទៅលាក់ខ្លួននៅបរិវេណភ្នំអែលដែលក្នុងនោះមានអង្គរក្ស ឃឺត ម្នាក់ដែរ។ ពួកយើងដឹងថា ឃឺត បានភៀសខ្លួនទៅនៅអាមេរិកកាលពីឆ្នាំ១៩៥៩ ក្រោយពីសង្គ្រាមលោកស្ងប់រលត់បាន១៤ឆ្នាំ។ ជាមួយនឹងការរកឃើញក្បាលហ៊ីទ្លែរ ដែលត្រូវកាត់ក្រៅពីអធិប្បាយថា ហ៊ីទ្លែរ គេចចេញពីទីក្រុង ប៊េកឡាំង រួចនោះ វាថែមទាំងជារឿងមួយចោទសួរទៀតថា តើនរណាទៅដែលបានកាត់ក្បាលគេធ្វើជាម៉ាំមីនោះ? ហើយគេសម្លាប់ដើម្បីអ្វី ? » ។
សម្រាប់សំនួរនេះ លោក អ៊ីតសេក ផ្នែកប្រម៉ាញ់ណាស៊ី បានពោលបន្ដទៀតថា អ្វីដែលយើងអាចកំណត់បាននោះ គឺភ្នាក់ងារសម្ងាត់ឈ្មោះ ម៉លឆាត របស់អ៊ីស្រាអែលដែលពួកគេបានតាមដានរហូតដល់ដឹងកន្លែងលាក់ខ្លួនរបស់ ហ៊ីទ្លែរ ទើបសម្លាប់ចោលយ៉ាងស្ងាត់ ។ ករណីមួយទៀត អ្នកដែលសម្លាប់ ហ៊ីទ្លែរ គឺជាជំនិតដែលតាមជាប់នោះឯង ។ តោងកុំភ្លេចថា ហ៊ីទ្លែរ ជាមនុស្សដែលកើតរោគចិត្តម្នាក់ដែលគេអាចធ្វើអ្វីមួយរហូតដល់អ្នកជំនិតនោះមិនអាចទ្រាំបាន ទើបសម្លាប់គេចោលតែម្ដង ។
ក្បាលដែលគេរកឃើញនោះ មានសភាពក្រៀមក្រញ៉ង់ ហាក់ដូចជាត្រាំក្នុងសារធាតុគីមីមួយប្រភេទការពារមិនឱ្យរលួយ រួចនាំយកទៅហាលធ្វើឱ្យស្បែកជ្រីវជ្រួញ ហើយប្ដូរទៅជាពណ៌ក្រម៉ៅ ។ ក៏ប៉ុន្ដែចំណុចដែលលេចធ្លោបង្ហាញប្រាប់ថា ជាក្បាលរបស់ ហ៊ីទ្លែរ ពិតមែននោះ គឺទម្រង់សក់ញែកចំហៀងមកបិទមុខថ្ងាស និង ពុកមាត់កំបុតដូចជាអតីតកំប្លែងឈ្មោះ ឆាលីចេបភ្លីន (សាក់ឡូ) ។ ដើម្បីឱ្យកាន់តែជាក់ស្ដែងឡើងនោះ គេបាននាំយករូបភាពរបស់ ហ៊ីទ្លែរ មកធ្វើជារូបភាពប្រៀបធៀបជាមួយលលាដ៍ក្បាលដែលបានរកឃើញប្រាកដថា ដូចគ្នាបេះបិទតែម្ដង ។
លោក អ៊ីសសេក អ្នកជំនួយការមជ្ឈមណ្ឌលឃាតកម្មសង្គ្រាមដែលមានទីស្នាក់ការធំនៅក្នុងទីក្រុង ថេលអាវីហ្វ ប្រទេស អ៊ីស្រាអែល បានពោលថា ដើម្បីឱ្យមានភាពកាន់តែជឿជាក់នោះ យើងបាននាំយក DNA ដែលរក្សាទុកនៅក្នុងកញ្ចុំសក់មួយរបស់ហ៊ីទ្លែរ មកប្រៀបធៀបជាមួយ DNA ក្នុងលលាដ៍ក្បាលមួយនេះ។ ចំណែកនាង ម៉ាការ៉េត ដែលជាប្រទះឃើញលលាដ៍ក្បាល ហ៊ីទ្លែរ វិញ បានបង្ហើបឱ្យដឹងថា នាងបានទិញកាបូបមួយនេះពីស្រុកភូមិជាមួយគ្នាក្នុងតម្លៃត្រឹមតែ១២ ដុល្លារ។ ពេលនេះគេជឿជាក់ថា ជាចៅរបស់ជំនិត ហ៊ីទ្លែរ គឺលោក ឃឺត ហាល់តាស់បឺត ដែលបានភៀសខ្លួនមកនៅអាមេរិក ។
គ្រួសាររបស់ ឃឺត រស់នៅក្នុងផ្ទះខ្ទមដែលឈ្លាតឆ្ងាយពីភូមិដោយមិនរវីរវល់ជាមួយនរណាឡើយ ។ ក្រោយមកម្ចាស់ខ្ទមនោះក៏លាចាកលោកទៅដោយរោគស្លាប់ក្រលៀនក្នុងជន្មាយុ ៨១ ឆ្នាំ ។ អ្នកដែលស្លាប់ទៅនោះ គឺលោក ឃឺត នោះឯង នាង ម៉ាការ៉េត បន្ដទៀតថា «ពេលដែលខ្ញុំទិញកាបូបនោះ ខ្ញុំមានអារម្មណ៍ថា ហាក់ដូចជាមានវត្ថុអ្វីមួយរមៀលនៅក្នុងនោះ ខ្ញុំគិតថា វាជាគ្រាប់បាល់ប៊ូវល៉ិង ។ តែក្រោយពេលខ្ញុំរូតមើល ក៏ស្រាប់តែប្រទះឃើញលលាដ៍ក្បាលខ្មោចនោះ ខ្ញុំស្រែកភ្លាត់សំឡេង រួចក៏សន្លប់តែម្ដងទៅ» ។
បើតាមការស្រាវជ្រាវដំណើរដើមទងគេជឿថា ឃឺត បានយួរកាបូបមួយនេះមកនៅអាមេរិក ។ គេជាមនុស្សស្ងៀមស្ងាត់ មិនចេះរវីរវល់ជាមួយអ្នកដទៃ តែគេគោរពសាសនា ចូលព្រះវិហារមិនដែលអាក់ខានម្ដងណានោះទេ ។ បើតាមសម្ដីមនុស្សម្នាក់ដែលជាមិត្តជិតស្និទ្ធិរបស់ ឃឺត គេធ្លាប់បានឮលោក ឃឺត និយាយជាញឹកញាប់ថា កាលពីនៅកំលោះ គេធ្លាប់ធ្វើកំហុសដ៍ធំធេងមួយ ។ ចំណែកឯចៅស្រីរបស់លោក ឃឺត ក៏ធ្លាប់ឮជីតារបស់នាងនិយាយបែបនេះជាញឹកញាប់មកដែរ ៕
Post a Comment