ឮទេប្រុសៗ ! តើអ្នកជឿលើនិស្ស័យទេ ? មិនដែលស្គាល់គ្នាសោះ ស៊ូស្រលាញ់គេតែម្ខាងបូកផ្សំនឹងស្បែកមុខដ៏ក្រាស់ ទីបំផុតទើបអាចឆក់បេះដូងនាងបាន

ស្នេហាមិនមែនជានិស្ស័យដែលកើតឡើងដោយឯកឯងនោះទេ ប៉ុន្ដែគ្រប់យ៉ាងកើតឡើងដោយសារតែមនុស្សពីរនាក់ជាអ្នកបង្កើត ។ បើទោះពេលខ្លះដៃគូស្នេហាទាំងពីរនាក់មិនបានសហការបង្កើតវាក៏ដោយ តែដៃគូម្ខាងទៀតមានក្ដីស្រលាញ់ស្មោះត្រូវព្យាយាមបង្ហាញក្ដីស្នេហ៍ដែលខ្លួនមានអោយដៃគូម្ខាងទៀតបានឃើញដោយមិនខ្លាចនឿយហត់ ហើយគេនឹងមើលឃើញនូវទឹកចិត្តបរិសុទ្ធរបស់យើងចំពោះគេនៅថ្ងៃណាមួយជាក់ជាមិនខាន។

ជាក់ស្ដែងគូស្នេហ៍មួយគូនេះបានរៀបរាប់ដំណើរស្នេហ៍របស់ពួកគេតាមបណ្ដាញសង្គមធ្វើអោយមានការចាប់អារម្មណ៍ព្រោះវាក៏ជារឿងកម្រមួយផងដែរ ដែលពីមនុស្សពុំដែលស្គាល់គ្នា រហូតបានភ្ជាប់ពាក្យក្លាយជាគូដណ្ដឹងហ្នឹងគ្នាបែបនេះ ។

យោងតាមម្ចាស់ហ្វេសប៊ុកឈ្មោះ Phirun Chhel បានបង្ហោះសារមានខ្លឹមសារថា៖​ «តើអ្នកជឿលើនិស្ស័យទេ ? 
មនុស្សពុំដែលស្គាល់គ្នា  ក៏មិនធ្លាប់ជាមិត្តភក្តិ 
ចាប់ផ្តើមដោយក្តីស្រលាញ់តែម្ខាង  និងការតស៊ូមិនដកថយ ភាពស្មោះត្រង់  ការយកចិត្តទុកដាក់ បូកផ្សំនឹងស្បែកមុខដ៏ក្រាស់ដែលអំណោយផលពី ធម្មជាតិផងនោះ ទីបំផុតទើបអាចលោះយក បេះដូង Choudy Lay បាន
សំរាប់ខ្ញុំ ក្តីស្រលាញ់មួយនេះពុំមែនជានិស្ស័យដែលកើតឡើងដោយឯកឯងនោះទេតែគ្រប់រឿងដែលកើតឡើងសុទ្ធសឹងតែជាការបង្កើតឲ្យមាន 
និស្ស័យគឺស្ថិតក្នុងដៃអ្នក វាមិនធ្លាក់ពីលើមេឃទេ !
# I tell you, trust me 
EngagementDay»

សូមជូនពរអ្នកទាំងពីរឲ្យឆាប់បានចូលរោងការ និងស្រលាញ់គ្នារហូតដល់ចាស់កោងខ្នង !!!

ប្រភព៖  Phirun Chhel