ដោយសារការបាត់សត្វឆ្កែធ្វើឲ្យមនុស្ស ២៨ នាក់ភ័យបុកពោះព្រោះតែឃើញស្តែងៗនៅកន្លែងកាប់ខ្លែមតែម្តង

មហាជន​ជា​អ្នក​ស្រលាញ់​សត្វ បាន​មានការ​ស្លុតរន្ធត់​ជាខ្លាំង ខណៈ​បានឃើញ​ឆ្កែ​ត្រូវបាន​សម្លាប់​១​ក្បាល ដែល​ដំបូង​មានការ​យល់ច្រឡំ ដោយ​ជឿថា ជា​សត្វ​ចិញ្ចឹម​របស់​អ្នកស្រុក​ម្នាក់​ដែល​កំពុង​បាត់​ខ្លួន កំពុង​ត្រូវបាន​ព្យួរ​រង់ចាំ​កាប់សាច់​ធ្វើ​ម្ហូប​ក្លែម នៅឯ​កន្លែង​បោះជំរុំ​ស្នាក់នៅ​របស់​កម្មករ​ជនជាតិ​កម្ពុជា ២៨ នាក់ ស្ថិតក្នុង​ស្រុក Wang Somboon ខេត្ត Sa Kaew ប្រទេសថៃ ។​

​ស្ត្រី​ម្នាក់​ឈ្មោះ Anchisa Sapsasom បាន​ប្រាប់​ប៉ូលីស​នៅ​ព្រឹក​ថ្ងៃអាទិត្យ ថា​នាង​កំពុង​ស្វែងរក​សត្វ​ឆ្កែ​របស់​នាង​អាយុ​១​ឆ្នាំ ដែល​បាន​បាត់​ខ្លួន​កាលពី​ថ្ងៃ​សៅរ៍ និង​ថា នាង​បានឃើញ​សាកសព​ខ្មៅ​១​កំពុង​ព្យួរ ដោយ​ក្បាល​របស់​វា​ត្រូវបាន​កាត់ផ្តាច់​ដាក់​ក្នុង​ឆ្នាំ​សម្ល​ទៅហើយ នៅឯ​កន្លែង​បោះជំរុំ​នោះ ។ ព្រោះតែ​នាង​ពុំ​អាច​បញ្ជាក់ថា​តើ​ឆ្កែ​នោះ​ជាស​ត្វ​ចិញ្ចឹម​របស់​នាង​ដែល​បាន​បាត់​ខ្លួន ប៉ូលីស​ក៏បាន​នាំ​នាង​ទៅកាន់​កន្លែង​នោះ​ម្តងទៀត ។​

​ទោះបី​ពួកគេ​ពុំ​អាច​រកឃើញ​ក្បាល​របស់​ឆ្កែ​នៅក្នុង​ឆ្នាំងសម្ល តែ​ពួកគេ​បានឃើញ​ខ្លួន​ឆ្កែ​កំពុង​ព្យួរ​នៅ​នឹង​ដើម​ឈរ ។ Anchisa និយាយថា សត្វ​នោះ​ពុំមាន​ជាស​ត្វ​ចិញ្ចឹម​របស់​នាង​ទេ ។ ម្ចាស់​កន្លែង​បោះជំរុំ​នោះ​ដែល​គ្រាន់តែ​ប្រាប់ថា​មានឈ្មោះ Nikhom និយាយថា ឆ្កែ​ដែល​ព្យួរ​នឹង​ដើមឈើ​នោះ គឺជា​ឆ្កែ​ចិញ្ចឹម​១​ក្បាល​ដែល​ត្រូវបាន​ងាប់​ដោយសារ​រថយន្ត​កិន ។​

​បុរស​ម្នាក់​ឈ្មោះ Paisal Rengrang ដែល​ក្រោយមក បាន​បញ្ជាក់ថា​រឿងនេះ​ជាការ​ពិត ក៏បាន​ប្រគល់​ឆ្កែ​ងាប់​នោះ ទៅ​ឲ្យ​កម្មករ​ជនជាតិ​កម្ពុជា​ធ្វើ​ម្ហូប​ទៅ ។ លោក​ក្រោយមក គ៏​បាន​និយាយថា សត្វ​ឆ្កែ​ចិញ្ចឹម​របស់​អ្នកស្រី Anchisa បានបង្ហាញ​ខ្លួន​នៅឯ​ផ្ទះ​ម្ចាស់​របស់​វា ដោយ​ស្ថិតក្នុង​សភាព​ស្រេកឃ្លាន និង​អស់កម្លាំង ៕​