ស្តាប់ចម្លើយសារភាព ដែលជនដៃដល់ ផល ពេញ បាញ់សម្លាប់ជនរងគ្រោះទាំង ៣ នាក់

តាមចម្លើយសារភាពរបស់ជនសង្ស័យថាមូលហេតុដែលបណ្តាលឲ្យមានការបាញ់សម្លាប់ជនរងគ្រោះទាំង ០៣នាក់ខាងលើ ដោយសាតែ កាលពីថ្ងៃទី ៣០ ខែមករា ឆ្នាំ ២០១៨ ជនរងគ្រោះទាំង ០៣នាក់ខាងលើ បានចូលទៅដកហូតម៉ាស៊ីនកាត់ឈើពីជនជាតិវៀតណាម ដែលកំពុងធ្វើសកម្មភាពគាស់គល់ឈើ ។ ពេលនោះជនសង្ស័យឈ្មោះ ផល ពេញ បានមកចរចារដោយជនរងគ្រោះបានទាមទារប្រាក់ចំនួន ៥លានដុង ជាថ្នូរនិងការប្រគល់ម៉ាស៊ីនកាត់ឈើឲ្យវិញ ។

ក្រោយពីមានការព្រមព្រៀងគ្នា រួចហើយ ជនរងគ្រោះទាំង ០៣នាក់ បានរាយការណ៏ជូនទៅលោកព្រះរាជអាជ្ញាខេត្តមណ្ឌលគីរី ហើយព្រះរាជអាជ្ញាបានរាយការណ៏ទៅប្រធានអង្គភាពវរព្រំដែន បន្ទាប់មកប្រធានអង្គភាពបានទូរសព្ទ័ទៅស្តីបន្ទោសជនសង្ស័យឈ្មោះ ផល ពេញ ជាហេតុធ្វើឲ្យជនសង្ស័យឈ្មោះ ផល ពេញ មានការខឹងសម្បាហើយក៏ទៅតាមសួរនាំជនរងគ្រោះទាំង ០៣នាក់ ថាយកលុយហើយម៉េចបានរាយការណ៏ទៅលើទៀត រួចក៏មានការទំនាស់ពាក្យសំដីគ្នា ជាហេតុបណ្តាលឲ្យជនសង្ស័យឈ្មោះ ផល ពេញ បាញ់សម្លាប់ជនរងគ្រោះទាំង ០៣នាក់ តែម្តង ។