វាសនាមនុស្សវាមិនដូចគ្នាទេ!!! ព្រោះតែពុំចង់បាត់បង់ឱកាសសិក្សា ក្មេងប្រុសម្នាក់នេះស៊ូលំបាកនាំប្អូនប្រុសអាយុ១ខួបទៅមើលថែនៅសាលារៀន ជាមួយទិដ្ឋភាពគួរឲ្យរំជួលចិត្ត!
នៅក្នុងប្រទេសហ្វីលីពីន នោះគ្រួសារជាច្រើន ត្រូវបានដឹងថា មានជីវភាពក្រីក្រយ៉ាងខ្លាំង ហើយក្មេងៗមួយចំនួនត្រូវបានបង្ខំឲ្យនៅផ្ទះ និងមើលថែបងប្អូនតូចៗរបស់ពួកគេ ខណៈឪពុកម្តាយរបស់ពួកគេចេញទៅធ្វើការយ៉ាងលំបាកនៅខាងក្រៅជារៀងរាល់ថ្ងៃ ។ យ៉ាងណាមិញ ក្មេងប្រុសម្នាក់នេះ ក៏ពុំមានអ្វីខុសប្លែកនោះទេ ព្រោះរូបគេកើតមកក្នុងគ្រួសារក្រីក្រទៅហើយ ។ ប៉ុន្តែ ទោះយ៉ាងណា ជំនួសឲ្យការស្នាក់នៅផ្ទះ និងមើលថែប្អូនប្រុសអាយុ១ឆ្នាំរបស់គេ ក្មេងប្រុសអាយុ ៧ ឆ្នាំម្នាក់នេះ បានសម្រេចចិត្តនាំយកប្អូនប្រុសរបស់គាត់ ទៅកាន់សាលារៀនជំនួសវិញ! ។
ក្មេងប្រុសតូចនេះគ្រាន់តែត្រូវបានបញ្ជាក់មានឈ្មោះថា Justin រៀនថ្នាក់ទី១ នៅក្នុងសាលាមួយកន្លែងក្នុងប្រទេសហ្វីលីពីន ។ រូបគួរឲ្យរំជួលចិត្តនេះ ត្រូវបានចែករំលែកនៅលើបណ្តាញសង្គម ដោយឈ្មោះ Ma’am Lei មកពីសាលាមេត្តេយ្យសិក្សា Salvacion ។
អ្នកលេងអ៊ីនធើរណេតជាច្រើន ពិតជាមានការភ្ញាក់ផ្អើលយ៉ាងខ្លាំង ចំពោះភាពឧស្សាហ៍ និងការព្យាយាមក្នុងការសិក្សារបស់ក្មេងប្រុសនេះ ដែលធ្វើឲ្យអ្នកចូលខមិនរាប់រយ ដោយពួកគេម្នាក់ៗសុទ្ធតែលើកឡើងសង្ឃឹមថា ការសកម្មភាពតស៊ូរៀនសូត្ររបស់ Justin ជាការបំផុសគំនិតមួយ ដល់ក្មេងៗដទៃទៀត ដើម្បីផ្តោតទៅលើទាំងការយកចិត្តទុកដាក់មើលថែប្អូន និងការសិក្សារបស់ពួកគេ ដែលនឹងទទួលបានភាពជោគជ័យក្នុងជីវិតដ៏ល្អប្រសើរនៅថ្ងៃអនាគត ៕
Post a Comment