ថោកទាបពេកហើយ គ្នាកំពុងមានទុក្ខនៅមានអ្នកឆ្លៀតឪកាសទៀត!!! បែកធ្លាយដំណឹងថា មានអ្នកលួចចិញ្ចៀនពេជ្រ ១ ម៉ឺនដុល្លារ និងលុយ ៣ពាន់ដុល្លាររបស់លោក ស៊ុយ សារ៉េត

លោក ស៊ុយ សារ៉េត ត្រូវបានប្រជាជនវាយដុំយ៉ាងខ្លាំង ក្រោយពីមានដំណឹងមិនច្បាស់ការតៗគ្នាថាលោកបានបើកឡានបុករះគេ និងស្លាប់មនុស្សច្រើននាក់ ទាំងមិនដឹងច្បាស់។

ខណៈដែលការវាយតប់នោះ ក្រោយពីបញ្ជូនលោក សារ៉េត ទៅមន្ទីរពេទ្យហើយ ត្រូវបានក្រុមអ្នកជិតស្និទនឹងលោកបានបញ្ជាក់ថាអំឡុងពេលប្រជាជននាំគ្នាវាយតប់នោះ មានអ្នកលួចដោះចិញ្ចៀនពេជ្រតម្លៃ១ម៉ឺនដុល្លារពីលោក សារ៉េត។ លើសពីនេះទៅទៀត មិនត្រឹមតែបាត់ចិញ្ចៀនទេ លុយ៣ពាន់ដុល្លារ និងទូរសព្ទ២គ្រឿងក៏បានបាត់នៅគ្រានោះដែរ។

សូមបញ្ជាក់ថាក្រោយពីសមត្ថកិច្ចបានស្រាវជ្រាវរឿងនេះទៅ ទើបដឹងថាការពិតលោកមិនបានបុកនរណាគេស្លាប់តាមការនិយាយតៗគ្នានោះទេ។ ហើយបច្ចុប្បន្ននេះលោកត្រូវសម្រាកព្យាបាលនៅមន្ទីរពេទ្យប្រទេសវៀតណាមឯណោះ ដើម្បីតាមដានសភាពជំងឺ ត្បិតអីលោកត្រូវគេវាយបាក់ធ្មេញ និងរបួសក្បាលខ្លាំង។

ចំណែកអ្នកដែលវាយលោកវិញ បច្ចុប្បន្នប៉ូលិសកំពុងតែដុតដៃដុតជើង តាមចាប់ខ្លួន ព្រោះបង្កហិង្សាដោយចេតនា៕