ពេលនេះ កំពូលតារាចម្រៀង អ្នកនាង ម៉េង កែវពេជ្ជតា ទ្រាំលែងបាននឹងទង្វើ រួមទាំងអាកប្បកិរិយាព្រះសង្ឃខ្មែរម្នាក់(មានវីដេអូ)
អ្នកនាង ម៉េង កែវពេជ្ជតា ជាតារាចម្រៀងជើងចាស់មួយរូប ដែលនៅតែទទួលបានប្រជាប្រិយភាព និងការគាំទ្រយ៉ាងខ្លាំងរហូតមកដល់ពេលបច្ចុប្បន្ន បើទោះបីជាអ្នកនាងមានវ័យជ្រេក៏ពិតមែន។ យ៉ាងណាមិញ កាលពីពេលថ្មីៗនេះ អ្នកនាងបានកើតក្ដីហួសចិត្តជាខ្លាំង ដោយសារតែខ្សែវីដេអូរបស់ព្រះសង្ឃខ្មែរ ដែលចេញសង្ឃដីកាសំដៅមិនសមរម្យ និងមិនសមជាអ្នកបួសទាល់តែសោះ។
ជាក់ស្ដែង អ្នកនាងបានធ្វើការស៊ែរវីដេអូមួយនោះ ជាមួយនឹងសារហួសចិត្តថា៖ «ការពិតមិនចង់ Share នាំចង្អៀតទេ តែក្នុងនាមជាខ្មែរកាន់សាសនាព្រះពុទ្ធថែមទាំងគោរពស្ម័គ្រស្មោះអស់ពីចិត្ត ពិតជាមិនសប្បាយចិត្តទេនៅពេលដែលឧស្សាហ៍ឃើញគេយកស្បង់ចីវរដែលគ្រប់គ្នាមិនថាចាស់ក្មេង ឬឋានៈប៉ុណ្ណាតែងលត់ជង្គង់ក្រាបសំពះដល់ធរណី មកស្រោបពីក្រៅខ្លួន
បុគ្គលអសីលបែបនេះជាហូរហែរតែគ្មានឃើញវិធានការណាមួយមកទប់ស្កាត់ និងលប់បំបាត់បានសោះ ? ? ផ្ទុយទៅវិញបែរជាកើតមានប្លែកៗ ដូចករណីនេះ…តើមកពីច្បាប់ធូរលុងពេក ឬមកពីអ្នកកាន់ច្បាប់មិនច្បាស់លាស់ ? ? ? ខ្ញុំមានយោបល់នេះគឺដើម្បីទាំងអស់គ្នា និងការពារសាសនាព្រះពុទ្ធដែលជាសាសនារដ្ឋប៉ុណ្ណោះ គ្មានបំណងអវិជ្ជមានណាមួយទេ តែបើជនណាហ៊ានយកសម្តីខ្ញុំនេះទៅកាឡៃសាច់រឿងក្នុងន័យអាក្រក់ដូចកាលរឿងលុយខ្មែរទៀត គឺជននោះជាជនបំផ្លាញជាតិ» ៕
Post a Comment