ក្តៅៗ! ប៉ូលិសចាប់បានហើយជនដៃដល់ ដែលវាយសាស្រ្តាចារ្យ ស៊ុយ សារ៉េត ស្ទើរស្លាប់
ជនសង្ស័យប្រើហឹង្សារលើបណ្ឌិត ស៊ុយ សារ៉េត ក្នុងហេតុការណ៍គ្រោះថ្នាក់ចរាចរណ៍ចំនួន ២ នាក់ទៀតត្រូវឃាត់ខ្លួន។
លោក ជួន សុវណ្ណអគ្គស្នងការរង និង ជាស្នងការនគរបាលរាជធានី ឲ្យដឹងថាជនសង្ស័យប្រើអំពើហឹង្សារលើរូបលោកបណ្ឌិត ស៊ុយ សារ៉េត ចំនួន ២ នាក់ ត្រូវបានសមត្ថកិច្ចនគរបាលរាជធានីឃាត់ខ្លួនបានហើយនៅរសៀលថ្ងៃនេះ។
ជនសង្ស័យទីមួយឈ្មោះ យាត ទិត្យា ប្រុស អាយុ២១ឆ្នាំ មុខរបរមិនពិតប្រាកដ អាស័យដ្ធាន ផ្ទះគ្នានលេខ ផ្លូវទី៧ ភូមិទួលគោក សង្កាត់ទួលសង្កែ២ ខណ្ឌឬស្សីកែវ ឯម្នាក់ទៀតជាជាងមាស ឈ្មោះ អាន វិនទី ប្រុស អាយុ ២១ឆ្នាំ។
សមត្ថកិច្ចកំពុងសាកសួរចម្លើយដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់។ មកទល់ពេលនេះ ខាងសមត្ថកិច្ចចាប់បានជនសង្ស័យវាយលោក ស៊ុយ សារ៉េត បានសរុប ៤នាក់ហើយ។
ពេលនេះសមត្ថកិច្ចកំពុងតែតាមចាប់ជនដៃដល់ពាក់ព័ន្ធផ្សេងទៀត ដើម្បីមកដាក់ទោសតាមច្បាប់ឲ្យបាន៕
Post a Comment