ចប់បាត់ហើយ! ថៃបិទលែងឲ្យមានការនាំទំនិញចេញចូល ឆ្លងកាត់ទឹកដីខ្លួនពីប្រទេសខ្មែរ
ថៃបានប្រកាសច្បាប់ថ្មីបិទ មិនឲ្យមានការនាំចូលទំនិញពីប្រទេសខ្មែរឆ្លងកាត់ទឹកដីខ្លួន ទៅកាន់ប្រទេសទីបី និងទំនិញពីប្រទេសទីបីឆ្លងចូលមកកម្ពុជា។ នេះបើយោងតាមការប្រកាសពីសំណាក់អគ្គនាយកដ្ឋានគយនិងរដ្ឋាករ នៃក្រសួងសេដ្ឋកិច្ចនិងហិរញ្ញវត្ថុរបស់ប្រទេសកម្ពុជា។
ពេលនេះខាងអគ្គនាយកដ្ឋានគយ និងរដ្ឋាករកម្ពុជាកំពុងញាប់ដៃញាប់ជើងរៀបចំអនុស្សារណៈការយោគយល់គ្នាមួយរេវាងភាគីខ្មែរនិងថៃ ចំពោះការដឹកជញ្ជូនទំនិញឆ្លងកាត់ទឹកដីគ្នាទៅវិញទៅមក តែនៅរង់ចាំសេចក្តីសម្រេចពីភាគីថៃនៅឡើយមកទល់ពេលនេះ។ ខាងភាគីអគ្គនាយករដ្ឋានគយ និងរដ្ឋាករកម្ពុជា កំពុងធ្វើយ៉ាងណាពន្លឿនការចុះហត្ថលេខានេះឲ្យបានលឿនបំផុតតាមតែអាចធ្វើទៅបាន ដើម្បីជៀសវាងការខាតបង់និងបញ្ហាប្រឈមនានា។
តុល្យភាពជញ្ជីងពាណិជ្ជកម្មខ្មែរ-ថៃឆ្ងាយដាច់ពីគ្នាខ្លាំងមែនទែន។ តាមទិន្ន័យរបស់មជ្ឈមណ្ឌលពាណិជ្ជកម្ម អន្តរជាតិ ទំហំពាណិជ្ជកម្ម សរុបរវាងកម្ពុជា និងថៃ ក្នុងឆ្នាំ២០១៥ មានចំនួន ៥,៥១៨លានដុល្លារអាមេរិក និងឆ្នាំ២០១៦ មានចំនួន ៥,៥៥១លានដុល្លារអាមេរិក ពោលគឺបានកើនឡើង ០,៦ភាគរយ៕
Post a Comment