ស្រ្តីកំសត់ម្នាក់ត្រូវបាត់បង់ទាំងការងារ និង ស្វាមី ក្រោយពីរកឃើញមានជម្ងឺសាហាវមួយនេះ

តាមប្រភពព័ត៌មានពីប្រទេសថៃបានឲ្យដឹងថា មនុស្សតែងតែត្រូវការការមើលថែរក្សាពីក្រុម​គ្រួសារអោយបានល្អនៅពេលដែលមានជម្ងឺឈឺថ្កាត់ ចុះវានឹងទៅជាយ៉ាង​ណា​បើគ្រួសារបែរជាចបោះបង់គេចោលនៅពេលដែលគេមានជម្ងឺនោះ។ ប្រភពព័ត៌មានបរទេសបានចុះផ្សាយរឿងរ៉ាវដ៏រំជួលចិត្តមួយ ដែល​ស្រ្តីម្នាក់ត្រូវបានបាត់បង់ទាំងស្វាមី និងការងារ ក្រោយពីរាងកាយរបស់នាងរងជម្ងឺសើស្បែកយ៉ាងធ្ងន់ធ្ងរមួយដែលមានទាក់ទងនឹងរោគសញ្ញានៃជម្ងឺអេសដ៍។ តាមប្រភពបានអោយដឹងថានារីរងគ្រោះមានឈ្មោះ Arunsri មានវ័យ២៧ឆ្នាំមានមុខរបរជាអ្នកម៉ាស្សា ជម្ងឺសើរស្បែកនេះបានចាប់ផ្តើមកើតឡើងនៅលើរាងកាយរបស់នាងនៅពេលដែលនាងមានកំណើតកូនទី២។

ស្វាមីរបស់នាងបានចាកចេញពីនាងនៅក្រោយពីគេរកឃើញថានាងដមានជម្ងឺមិនអាចទទួលយកបានមួយនេះ។ តាមរយៈប្រភពដដែលបានអោយដឹងថាក្រោយពីភ្ញៀវបានឃើញភាពខុសប្រក្រតីរបស់នាង គេមិនពញរមអោយនាងបំរើសេវាកម្មជូននោះទេ យ៉ាងនេះហើយទើបក្រុមហ៊ុនសម្រេចបញ្ឈប់នាងតែម្តង។ នាងបន្តថានាង ពិតជាត្រូវការការព្យាបាលដើម្បីអោយត្រលប់ទៅសភាពដើម្បីវិញខ្លាំងណាស់ ព្រោះនាងត្រូវទទួលបន្ទុកចិញ្ជឹមកូន២នាក់ និងម្តាយចំណាស់ម្នាក់ទៀតផងតែពេលនេះនាងក្លាយជាមនុស្សគ្មានការងារធ្វើ៥ខែមកហើយ។ មិត្តភក្តិរបស់នាងនៅឯក្រុងបាងកកបានប្រាប់នាងអោយបន្តលេបថ្នាំសើរស្បែកនេះទៀត។ ក្រោយពីកម្មវិធីត្រូវបានបញ្ឈប់នាងក៏ទទួលបានជំនួយឧបត្ថមជាសាច់ប្រាក់ប្រមាណជាង១០០០០បាត (៣១៥ដុល្លារ) រួមជាមួយនិងគ្រឿងបរិភោគ និងអង្ករជាច្រើនទៀតផង។ ម្ខាស់កម្មវិធីក៏បានផ្តល់ជំនួយជាប្រាក់១៥០០០បាត (៤៧៥ដុល្លារ)អោយនាងថែមទៀត៕