ឡាន Land Cruiser មិនមែនលំៗ ត្រូវកាំភ្លើង ៣០០ គ្រាប់ គ្រាប់បែកដៃនិងគ្រាប់មីនឡើងសុះសាច់ នៅអត់អី (មានវីដេអូ)
ឡាន Toyota Land Cruiser ប្រភេទ ASV’s VR7-armoured ដែលផលិតជាពិសេសសម្រាប់មន្រ្តីជាន់ខ្ពស់សំខាន់ៗ មានសមត្ថិភាពខ្លាំង អាចធន់នឹងគ្រាប់កាំភ្លើង ៣០១ គ្រាប់ គ្រាប់បែកដៃ ៤គ្រាប់ និងមីនតោន ២គ្រាប់ និងគ្រាប់បំផ្ទុះទម្ងន់ ១២,៥ គីឡូក្រាម នៅមិនអាចធ្វើអីរថយន្តនេះបានឡើយ។
រថយន្តប្រភេទនេះ ត្រូវបានផលិតដោយសម្ភារៈទំនើបនិងធន់ការពារជុំវិញទាំងអស់ ដែលស្ថិតក្នុងស្តង់ដារសុវត្ថិភាព BRV2009 កម្រិត ៧ របស់អាល្លឺម៉ង់ ឯផ្នែកដំបូលការពារដល់ទៅ ៩០ ដឺក្រេ។
តាមការធ្វើតេស្តសមត្ថភាព អ្នកជំនាញបានប្រើកាំភ្លើងប្រភេទ AK47 បាញ់រថយន្ត ASV’s VR7-armoured ជុំវិញចំនួន ៣០១ គ្រាប់ និងប្រើគ្រាប់បែកដៃប្រភេទ HG85 ចំនួន ២គ្រាប់ បំផ្ទុះដំបូល និង ២គ្រាប់ទៀតបំផ្ទុះជើងក្រោម, មីនប្រភេទ DM31 AP ២គ្រាប់ និងការបំផ្ទុះគ្រាប់ PETN ទម្ងន់ ១២,៥ គីឡូក្រាមនៅចំហៀងចម្ងាយ ៤ម៉ែត្រ ដោយលទ្ធផលគឺជោគជ័យ ដោយរថយន្តនេះនៅតែធន់ អាចការពារអ្នកដំណើរនៅខាងក្នុងបានដោយសុវត្ថិភាព។
រថយន្តនេះ បានបំពាក់ដែកមានគុណភាពក្រាស់ព័ទ្ធជុំវិញ ធ្វើឲ្យវាមានទម្ងន់ធ្ងន់ជាងឡាន Toyota Land Cruiser ធម្មតាដល់ទៅពីរដង ហើយសូម្បីតែទ្វាររបស់វា អ្នកមានកម្លាំងល្មមៗបើកមិនរួចឡើយ៕
Post a Comment