ក្តៅៗ! អតីតចៅអធិការ វត្តភ្នំបាក់លើ ស្រិល វណ្ណា ត្រូវបានបញ្ជូនត្រឡប់ទៅផ្ទះវិញ រង់ចាំសម្របសម្រួលពីចាស់ទុំ

នេះបើយោងតាមទំព័រហ្វេសប៊ុក ក៏ដូចជាគេហទំព័រអគ្គស្នងការដ្ឋាននគរបាលជាតិបានឱ្យដឹងមុននេះថា អតីតចៅអធិការ វត្តភ្នំបាក់លើនិង អនុគណក្រុងសិរីសោភ័ណ ឈ្មោះ ស្រិល វណ្ណា ហៅ អៀម វណ្ណា ត្រូវបានបញ្ជូនទៅផ្ទះវិញ បន្ទាប់ពីចាប់ផ្សឹកកាលពីរសៀលថ្ងៃទី ០៥ ខែមិថុនា ឆ្នាំ ២០១៨ នៅវត្តសុមាធិផលស្ថិតសង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។

មន្ត្រីនគរបាលម្នាក់បានឱ្យដឹងថា តាមពិតកម្លាំងនគរបាលខេត្តបន្ទាយមានជ័យដឹកឈ្មោះ ស្រិល វណ្ណា មកស្នងការនគរបាលខេត្តបន្ទាយមានជ័យ មិនមែនឃាត់ខ្លួននោះទេ គឺដឹករំដោះការពារសុវត្ថិភាព ខ្លាចមានផ្ទុះហិង្សាណាមួយ កើតឡើងពីប្រជាពលរដ្ឋដែលចោមរោមនៅបរិវេនព្រះវិហារ ប៉ុន្តែក្រោយមកត្រូវបានបញ្ជូនទៅវត្តបាក់លើវិញ ដើម្បីត្រួតពិនិត្យទ្រព្យសម្បត្តិផ្ទាល់ខ្លួន និងបញ្ជូនទៅផ្ទះតែម្ដង ។

សូមបញ្ជាក់ថា ចៅអធិការវត្តភ្នំបាក់លើ និងអនុគណៈក្រុងសិរីសោភ័ណឈ្មោះ ស្រិល វណ្ណា ហៅអៀម វណ្ណា អាយុ៣៨ឆ្នាំ ដែលឪពុកម្តាយរស់នៅភូមិដីឡូត៍សង្កាត់ទឹកផ្លា ក្រុងសិរីសោភ័ណ ដែលត្រូវបានបារាជិកដោយចោទពីកាន់ពីស្ត្រីឈ្មោះ កាយ វិតា អាយុ ១៩ឆ្នាំ រស់នៅភូមិក្បាលកោះ សង្កាត់/ក្រុងប៉ោយប៉ែត បានចោទថារំលោភ និងគម្រាម ហើយត្រូវមន្ត្រីធម្មការនិងសាសនាខេត្ត រួមជាមួយមន្ត្រីសង្ឃផ្សឹកត្រូវបានបញ្ចប់នៅម៉ោងរសៀលថ្ងៃទី០៥ ខែមិថុនា ឆ្នាំ២០១៨ នៅវត្តសុមាធិផលស្ថិតសង្កាត់ព្រះពន្លា ក្រុងសិរីសោភ័ណ។ ហើយរឿងរ៉ាវដែលស្ត្រីឈ្មោះ កាយ វិតា គ្រោងប្តឹងត្រូវបានចាស់ទុំសម្របសម្រួល សុំកុំឱ្យប្តឹងដើម្បីជជែកគ្នារកដំណោះស្រាយបន្តទៀត ៕